jeudi 4 décembre 2008

ECH COMMINCH A AVOIR PEUR


Su el même ideï , qu’in do toudis s’artourner pour rahiser es n’histoire pour po arfaire ches mèm’ conneries .
Inch momint ech marche arculon
Crack boursier , joquache , gind’arme aveuq des tchiens qui arniffe des gosses pour leu salles gueules dins leu classe, ech trop plein dins ches prijons ,pour un ouais pour un nan hop in prijon, rin forcemint ed ches asiles ed fou, arrestation ed journaliste,contrôle ed l’audio visuel ( in cuji un patron qui dis comm ti), soup’ populaire, pi ches pauf din ches rue su ches querpions
Dé foë même si chu un tiot peu d’accord avec des jus , i faudro point passer el limite !!!
Tou cho pou vous rappéler quin n’o connu tou cho in Europe après ech crack ed 1929 cho nous o améner Hitler Franco Mussolini Pétain , Staline pi la Guerre
Cho vo el co ed réfléchir in moné !
Cette fois ci je vous traduis
Je commence a avoir peur
Sur la même idée que l’on doit toujours se retourner pour regarder son histoire pour ne pas refaire les mêmes erreurs ;
En ce moment je marche a reculons
Crack boursier, chômage, gendarme avec des chiens qui renifle des enfants pour leurs salles gueules dans leurs classes, le trop plein dans les prisons, pour un oui pour un non hop en prison, renforcement des asiles psychiatriques, arrestation de journaliste, contrôle de l’audio visuel (choix du patron qui dis comme toi) soupe populaire et des pauvres dans les rue sur les trottoirs.
Des fois mêmes si je suis un peu d’accord avec certaine chose, il ne faudrait pas passer la limite !!!
Tout cela pour vous rappeler que l’on a connu cela en Europe après le crack boursier de 1929 cela nous a amené Hitler, Franco, Mussolini, Pétain, Staline pi la guerre
Cela vaut le coup de réfléchir in peu !

samedi 8 novembre 2008




EL BARAQUE D’OBAMA
Cho foë lontimps qu’ej no point eu quet’cosse a dire pé ête ecque j’avo point el moral ; pé t’ête ajoud’hui cha vo miu . Ech no point été inviteï al baraque d’ ech nouvio présidint ed ches boufeux ketchup . Ech qui foë plié em panche ches qui o des françoiés qui atinte plus d’ech présidint ed ches indiens ecque leu présidint Nicolas. I faudro ecque ches chi y arrêtent d’attinte ecque ches soié es aute qui arinche leu affaires . Pé ête qu’in devro bouger nos puches din tous les sinces, in fro pé êtes comme cho bouger ches branques pou foëre kère ches problèmes
In tout qu’o ed pui ech 4 novempe 2008 ech ch’ ti I o traversé chl’Atlantique achteur el mason blanque ch’el BARAQUE D’OBAMA
A dé ches gins

jeudi 28 août 2008

ech l'impot chu ches tiote artraite


ech ti chi ch'es un champion
t'es peu el vire chu ech dessin

2008 ech essence al est kère print t'un vélo
2009 in vont printe inne taxe chu ches velo

2009 a cosse d'el baisse d'el consommation d'ech fuel pour aider ch'es multinationnales comme TOTAL in vaut mette inne taxe chu ech bois!

avin ed foëre qu'ète cosse attind ech l'année suivante comme dins temps aveuque ech l'armée
"avint ed suiffe ech l'ordre attind ech contre ordre"

mardi 22 juillet 2008

j'o eu invi ed dire

Ajord’hui i voté pour canger el constitution

Ch’es point souvint qu’in cange leu règle, ches hommes politique.

Ch’es el seul ju qui éto a peu prés stape d’un leu intourache v’lo qui s’invont el canger i nio des gins ed gauches qui veultent des ju ed droite pi i no et droite qui ont des ideïs ed gauche Ch’es ches homme ed gauche qui in voulotent pi ches eu qui veultent voter nan.

In est in plein révolution pi in’l vo point ;

Ech qui reste a peut prés stape ch’es el connerie ed ches gins el drame ch’èque j’in foë parti.

El premier republique al o été voté a inne vo alors ?????

samedi 31 mai 2008

Chi in cono toud’es femme avint el mariache i n’i o plus grimint d’homme qui vont’es marier


I o min copain es Sé, qui o décideï edminder es n’annulation ed mariache pou plusieurs raisons, el preume i avo edminder avint ech ti chi :

- té vo point arsanner at mère ?

al li avo répondu

- bin nan hein al n’o jameï su s’arnaquer , cho risque point aveuq mi!!!!

Tel vérro achteur ch’es es belle mère qui miu qu’es femme

El deuxième raison al i avo dit :

- min tiot canard plus tard ech té fro inne saqué ed bios garchons !!!!!

Té parles, ajourdhui i l' o chinq files , i no marre, quint i s’in vo foëre ches commissions ed rimplir sin caddy ed couches pou el dernière ed serviettes pou el plus vieille pi cho foé ed commincher!!!

Adon j’i explique ecque ch’es point pareil vlo ti poin qu’im répond

- inne mintirie d’avint mariache ch’es inne mintirie d’avint mariache !!!!!

dins’l fond ech Sé i n’o point toudis tort !!

Si on connaît tout de sa femme avant le mariage , il ne va plus avoir d’homme qui vont se marié

Mon copain José a décidé de demander l’annulation de son mariage pour plusieurs raisons, la première , il lui avait demander avant celui ci

- tu ne vas ressembler a ta mère ?

elle lui avait répondu

-bien sur que non, elle n’a jamais su s’habiller, cela ne risque rien avec moi !!

Tu la verrai aujourd’hui c’est la belle mère qui mieux que sa femme .

La deuxième raison , elle lui avait dit :

Mon petit canard je te ferai beaucoup de beaux garçons !!

Tu parles aujourd’hui il a 5 filles, il en a marre quand il va faire les courses de remplir son caddy de couches pour sa dernière et des serviettes hygiéniques pour l’aînée et cela fait que commencer !!!

Alors je lui explique que cela n’est pas pareil , et voici ce qu’il me répond :

- un mensonge d’avant le mariage c’est un mensonge d’avant mariage !!!!

Sur le fond José n’a pas toujours tort !!

samedi 24 mai 2008

Inne bonne fête manman pi à toutes ches mères


Ch’es surmint el femme qu’in o plus querre,

Des foés ch’es a ch’elle l’alle qu’in ‘l’dit moins

Ch’es pétête parc’ qu’alle nous o connu tout nu,

Dins nou berche in’eto incor tou crignu .

Ecqu’té seuche ech preume ou tchulot

Alle nous o appetelé aveuq alle même patieinche .

Alle o foé sin possipe pou defermer nou tiète .

Pourtint aveuq toutes ches bués que té l’io foé foëre,

Alle o point toudis eu el timps d’êtes pou alle inne femme,

Vu ecqu’ti bouffo sin timps ed manman .

Ech diminche chi ch’es moins té puiche foëre,

Ch’es d’li dir inne bonne fêtes des MÈRES.

Et pi ecqu’té ‘l’o querre.

Inne bonne fête Manman

Tin pointeu

C’est sûrement le femme qu’on aime le plus

Des fois c’est a elle qu’on le dit le moins

C’est peut être parce qu’elle nous a connu tout nu,

Dans notre berceau on était encore petit .

Que tu sois le premier ou le dernier

Elle nous a nourri avec la même patience.

Elle a fait son possible pour nous ouvrir l’esprit.

Pour temps avec tous les lessives que tu lui fait faire,

Elle a pas toujours eu le temps d’être pour elle une femme,

Vu qu’on lui manger son temps de maman.

Ce dimanche ici c’est le moins que tu puisse faire

C’est de lui dire une bonne fêtes des mères.

Et puis que tu l’aimes

Bonne fête Maman

Ton pointeu

vendredi 23 mai 2008

Ech brai , ech veux m’n’ héring dins’m n’assiette !!!!


Ech’u d’accord aveuq ches pékeux, mais quint mème quint in pinse, ches deus prémières tonnes d’herings ches pou es gasoil ches 500 kgs suivint ch’es pou ech batiau inne tonne ed pluch pou ches marins total i faut deus tonnes chinq chint pou ches frais ches plus courint.

Tou el monte in devro commincher à foëre aller leu tiête !

I vo pé êtes folloir arvenir a des jus comme dins temps ! des batiaus qui vont aveuq ech vint aveuq un petit moteur pou es aideï plus petit qu’achteur. Des filleïs moins longt (chalus) garte tes chinq marins, in calculant bin in devro sin sortir pi in serro plus inmmerdé aveuq ches cota européen !!

Inch momint i nio des villes qui diminu el grindeur ed leus bus, in akate des plus pétites carettes in comminch tous a calculer .

Ech résumme i vo bin falloir treuver inne solution si edmain ech veu m’ n ‘héring din’m n’assiette. I faut des pékeux pi des pichons dins’l’mer !!!!!!

mardi 20 mai 2008

Pénurie mondial chu el biére ed bouleusse


Es armericain incor eus, i n’ont pu assez ed houblon ? Vlo dich ans i n’avote ed trop, adont i sin n’ont foé du jus concintré in méme timp qui réduijotte el production. Ches annëils suivint i s ‘ont incor réduit ches cultures pour pouvoir printe ech jus qui s’avottent foé .

Total ajourdh’ui i n’io pu ed jus pis i s’ont plus assez ed camps a houblon (si té semme attind au moins 3 à 4 ans pour avoëre un rindemint) .

Té pouro dire ch ‘es bin foé pou eus i n’ont qu’a boëre d’el l’io mais el problème ch’es qu’ech l’houblon vu qui l’in manque ech ti chi i l’augminte, même pour nous heuresemint qu’ech ti chi is païe in dollar pass ‘que cho nous coutro kèrre.

Ech lait, ches fruits pi ches léginmes, chu pain chu essence pi achteur chu ches biéres jé sais point ou in sinvo mais mi jé dépèche ed min servir inne avint ecque min dragon em diche qui vo falloïre foëre ed s’économie.

Al tienne( pou combien ed timps)

vendredi 16 mai 2008

CESAR NICOLAS


J’o eu un choc quind j’o apris quin avo artrouvé dins Rhone inne estatut ed jules César pasque j’eto intrin ed vire ech président Nicolas al télé ches é imache dins m ‘tiête i sé sont surperposaïl

Vis in tio peu commin i féjo Cesar pi voi commint i föé not Président pi imagine ech l’estatut aveuc in nez

Arvenu à Rome en octobre 45 av. J.-C.

César, nommé dictateur pour dix ans, est désormais le centre du pouvoir ; il reconstitue les effectifs du Sénat, en radie quelques sénateurs responsables de concussion dans leur province, et y inscrit des Gaulois cisalpins et des Espagnols, une première qui marque le début de la promotion des provinciaux. Il nomme lui-même les magistrats, sauf les tribuns de la plèbe et les édiles plébéiens, encore élus, et désigne des consuls pour quelques jours de charge seulement. Obtenir un titre, un avantage ou une faveur dépend de son approbation. Ainsi, Cicéron par des discours emplis d’adulation où il qualifie la clémence de César de "divine" fait gracier plusieurs de ses amis[

mardi 6 mai 2008

Bon anniversaire

Plus i l’avinche plus i déchint din ches sondaches. Déjo qui éto pas grand ! chi cho continu comme cho in vo pu el vire ou i faudro qui mèche inne paire ed talons aiguilles al plache ed ses talonnettes. Ouais mais cho m’étonnero qu’in l’intinche plus.

A Ches gourvernants d’ech monte


http://fr.news.yahoo.com/ap/20080506/twl-onu-crise-alimentaire-1be00ca.html

Cho traino ed pluqu’ecque sémaines in manquo du pains dins Paris.

Pis qu’ecque sémaines plus tard in n’o eu el debut d’el révolution frinçaise !

I séro timps ecqu’ ches tireux ed babelles d’el politique i comminche à rahiser au alintour ed leu bureau, pi din’l télé. In Afrique cho berloque, in Amérique d’ech sud cho frichonne, ach ches USAis démante, in Asie cho armu in Europe cho manifeste. Tou cho pass’ que ches gins i comminche a pu pouvoir akater ed quoié minger. In est inroute d’alleumer el mèche d’inne dynamite qu’in pourro appler inne révolte populaire. Pi ch’el’al in sait quind el comminche pi in sait point ou gester el’iau pou l’accoufter.

El pire dins tout cho ch’es qu’el grondemint lo i dévient mondial a cosse ed qu’ecque société qui s’in foute pou ech mommint plein leu poques. Et qui veultent point mette ch’es moyens pou treuver el solution car i kache a foêre des sous a point longtim.

Ech ONU al vient annonche el création d’un groupe ed travail pi appelle ches dirigeants d’ech monte d’armuer leu fesses.

La crise alimentaire "est largement l'échec" de la FAO, a-t-il ajouté, jugeant que l'agence "est un gouffre pour l'argent largement

dépensé en fonctionnement, avec très peu d'opérations efficaces sur le terrain".

Ban Ki-moon, de retour d'Afrique et d'Europe, a de nouveau insisté sur "la gravité de l'urgence et la nécessité d'une réponse urgente",

affirmant que les enjeux sont très élevés.

"Si elle n'est pas gérée de manière appropriée, cette crise pourrait par ricochet dégénérer en une multitude de crises affectant le

commerce, le développement et même la sécurité sociale et politique dans le monde entier", a-t-il prévenu. "Les moyens d'existence de

centaines de millions de personnes sont menacés", a-t-il ajouté

vendredi 25 avril 2008

lundi 21 avril 2008

El même musique


Ech chu point d’accord aveuq ches appareils inti jonne.

Mais ech peu comprinte qui n’o des gins qui a forche d'avoërent in sous leu farnettes el musique inti viux comme « nique ta mére «i n'ont mare . Ed toute fachon cha ne vo point duré bin longtin vuqu’ches viux i sont presque sourds et pi ches jonnes i vont el dévénir bin vite aveuc leu ju dins leu aurelles. A m’mote i fordro qu’in attinche i tiot peu pi cha vo es régler tout seu.

Armarque aveuq inch momint ches jonnes lycéens qui sont dins ches rues chi cho continu i écoutrons pé êtes el même musique que vlo 40 ans .

lundi 14 avril 2008

In croro qui font n’importe quoé ? nan nan ch’es organisé !


Ech comminch a comprinte commint i fonctionnent ach gourvemint . Ch’es chacun es sémaine vlo inne quinzaine chéto ches OGN, el sémaine derniére el carte famille nombreusse, pi vlo ti pas qu’el sémaine chi , Roseline Bachelot qui ne veux plus rimbourcher ches leunettes.

Comme cho cho foé un sujet par sémaine, cho prouve qui sont toudis in route ed foëre qu’ette cosse. Pi si té calcul bin comme i sont 16 ministres in intindro plus parler Roseline pindint 15 sémaines. Print in calendrier pi marque ed sus roseline din 15 semaines in vérifiro chi ch’es comme cho ecque cho marche !!!!

lundi 7 avril 2008

Pourquoé in démande cho a ches portifs et qu’in foé du markandache aveuc eus sins arrière pinsé


In o in drolte fachon des foés ed pinser définse des droit ed l’homme ?

In vo des députés aveuc leu écharpes kanter el marseillaise edvant ech assimblé nationale aveuc ech drapeau Tibétain, ches bien !.

Vl’o pas longtin in voyo des députés applaudir el signature ed ches contrats commerciaux aveuc ches chinois . I s’étot point posé ach momint qui ches qui leu donno ches sous ?

Pé t’êtes qu’el démocratie ou bin ches dro ed l’homme i s’akate ?

Mi, ech que j’in tir ed tou cho ch’es ches députés in arife a les foëre bouger i fo tirer ches bonnes fichelles comme chu des marionettes.

Lechons ches sportifs foëre du sports pi imbettons plus nos politiens a chacun sin boulot i fo jamais conter chu es autes cho ecque to peur ed foëre !

vendredi 4 avril 2008

J’o démande si j’o ches bon papiers ; cho vo plus vite ecque d’artrouver che qui ont foé el binderolle

Ech comminch a avoir peur comme in co dins in chenil

Ech do em rinte al préfecture pou arfoëre mes papiers, commint ecque cho vo espacer

Quint j’ vo arriver ach guichet ecque qu’ej vo edminder d’arfoëre em carte d’indintée. Si ch’tompe chu in fonctionnaire qui vien dins aute région et qui n’o po été vire « bin venu ches les ch’ti » ech ti chi i vo foëre arréter par ches gindarmes qui atinte lo ches sins papiers. Ej vous l’dis mes gins chi cho continu in séro plus in sécurité a vif sins papiers quo vouloir en m’arfoëre . Ech ti qui veu es régulariger i print plus risque qu’eu ech ti qui magouille.

Moralité ech ti qui est honnète i o plus ed chinche d’es foëre printe.

jeudi 3 avril 2008

L’ami BIDASSE pi ches Régimint d’ARO

Ch’es po que chu fort militaire , i paraitro qu’il in faut, sinon ch’es les autes qu’il vientent aveuc leu leurs . Mais aveuc leu restriction qui veultent foëre su ches régiments, i parltent ed surprimmer el regimint qui treuf al citadelle d’Aro( arras) 601ème RCR d'Arras . Cha veut dire qui n’i oro plus ed bidasse a ARO . avint ecque cho arrif ech tiens a vous rappéler ches paroltes qui ont foé qu’in appelle in soldat un bidasse . inne canchon ed 1913

Avec l’ami Bidasse, On n’se quitte jamais, Attendu qu’on est, Tous deux natifs d’Arras, Chef-lieu du Pas-d’Calais».

dimanche 30 mars 2008

el mien i est gros comme cha


Alle banderole ed la honte

Quin in vo cho in’s’ print des frichons. Cho vou print in pleine tronche ti qui argarte ches gins qui vientent a mason aveuc plaisi aveuc kaleur in digeant chi té in homme cha peu point êts in mauvais gars. Pi voilo ecque ch’es d’in l’ sport ech football qu’in vo pi surtout qu' in intind ches pires conneries pasque des mots comme cho i fond plu ed mo qu’inne targnole quint prind d’ins giffe.

A mote i faut point ech laicher imbrenner comme cho pi cho do êtes puni. Mais faut point qu’in seuche plus apsurte ecque cheu qui s’ont ayoquer alle banderolle. I faut qu’in reste comme in n’est pi point rintrer din leu imbroulle.

Vif les ch’tis, vif ech l’amitié, vif nous, pi note grind cœur.

mercredi 26 mars 2008

bienvenus ches les ch'ti, pi ches sous

T'es a intindu ach Conseil Régionnal i s’arbatte pou el subvinsion ed six cin mille euros qui s’on donné pou ech film de danny boon "bienvénu ches les ch’ti " chés sur qu’achteur qui safte ecqu cha marche i veuleutent plus el donner. Pourtin pou in co qui investiche et pi cho gagne des sous i devrote ête contin in faite i n’ont point l’habitude ed donné des sous qui serve a quête cosse ches bin des politique cho. i fo vire conbin ecqu cha coute inne cimpagne publicitaire pour faire vénir ches gins din note région lo a moins in sait ecque cha marche!

mercredi 19 mars 2008

ech lundi ed paques ichi

si t'es arvenu ed Rome ech lundi chi el 24 mars t'es vénir m'accouter dins chés rues ed Monchy Breton avin midi pi amont Tartous aveuc Fabien pi Cécile a l'apero aveuc min espectacle pi des tiotes conneries pindin ech ti chi. insuite in mingera d'el soupe au lard.
a dé

lundi 17 mars 2008

El Saint Patrick ajourd’hui el 17 mars


I paraitro ecque ch'est li es saint irlandais qui nou auro apprind à distiller ech l’alcool . Es irlandais i z’orotent aprind cho par es égyptiens. « al khôl »

Ch’est pou vou dire ecque Saint Patrick i s’ero point seulemint ech saint ed chés buveux ed whisky mais chés auchi ech ti ed chés buveux ed gé’nief

Ech ti l’al, i o étoé inventaïl par es hollindais comme médicamint ach 16 eme siècle.

Pis din 17 eme siècle i s’ero artourné in ingleterre mais comme i éto telmint taxé ecque pou gagner des sous i l’ralongeotte aveuc d’autes produist pi cho fini par faire du GIN.

Ech vo donnëil ajourd’hui chés tro fachon ed boire inne bistouille :

1 juste aprés tin café bouillant pou calmer el fu d’ed lanque

2 au mitant d’ed tasse t’el verse ed din pour arfrodire ech reste

3 ou bin quint’o fini tin café pou rincher ech mare dins el fond d’ed tasse

Mi in bon gé’nief j’el bo bin glaché sorti d’ech congélateur .

in tou co n’oubli po ecque ch’es ed l’alcool, ecque qui fo boire aveuc modération

samedi 15 mars 2008

Cha i est i sont tous insanne achteur

  • Defoé i disote a leu copains avant ed sortir d’el tranché :
  • si ch’est mi qui meurt ajourd’hui ,té pinsero a mi !
  • Achteur qui n’o pu in pou pinser a eu pé t’ête qu’in pourro pinser pou eus
  • Is' ont attindu quatre-vint-dich ans pou étes complet a leu assimblé générale ed ches poilus


  • Inne drolte association aveuc des héros des miraculés, de peurioux ,des déserteus, des faux déserteus, des gueules cassés, des maréchals, des colonels ,des sergents ,des gazés, des tirailleus, des 2em classes, in fait pou raccourchir : des hommes.
  • Pé t’ête ecque ch’es hommes lo inhiau is demantent :

  • -M’ dit point ecque chés pou cha qu’in n’a foé tou cho ?
  • Mais ravisse les un tio mollet !, i n’arrètte point d’es plainte :

  • -Té rin compte in vo dévroir ouvrer plus !
  • in foé du travail pénipe i faudro qu’in continu a arréte d’ouvrer a cinquante cinq ans aveuc trinte cinq heures par sémaine !
  • ech veu mis donné 1 euro ed plus al securite social ch’es a mis ! i comprinte ed moins en moins qu’o ch’es qu’in veu dire ech partache ale mise incommint.

  • Et pi es autes pou qui i s’ont votëi é déchite comme cha :
  • In vo invöyer deuws miles soldats labo i vont armete ed l’orte d’inch paÿs lo
  • I s’invont toudi comme nou in quatorze pou pas longtimp in n’est chés plu fort total is batte ed pi 1991 d’in golffe ed pi 2001 in afganistant et pi din bin d’aute endroi qu’in sais même point pi qu’in sro bin surpris.

  • In devro leu mette cha dins chés gènes :
  • ECH TI qui l’oublit ech n’histoire, i est condanë a arcommincher chés mèmes conneries
  • Pi
  • Y paraitro qu’el malheur i naitrot d’ech l’oubli.


  • Pinsez ‘i mes gins pinsez ‘i

  • Ech pointeu

lundi 10 mars 2008

i o du vint ch'es l'reste d'inne timpête electorale

é chi al plache ed chés feulles ch'éto des bultins ed votes

Ajourd’hui i ‘o du vint ! pi in s’ed deminde pourquoé cint diche qui s’ont dit dinch poste .

N’impèche el nature al l’est bi faite ;. Alle nous mets du vint el lend’main d’ech s’éléctions seulemint pou fachilité ech l’involache ed toutes chés mauvaises pinsés, qui n’o qui ont eu aveuc leu voisin pindin el périote d’el cimpagne éléctoral, cho vo permettes ed calmer chés esprits.

Aller achteur ch’es fait , in passe a aute cosse . El vie al l’ arprint el dessus pi in avanche in’io ed l'ouvrache dins no villache !

mardi 4 mars 2008

pourquoé in nous appelle chés boïau rouche

in mille si chint chinquante neuf 1659 quint in n’est artourné al ch’royaume ed France ech l’Artoié alle lo gardé in momint chés avintaches pi in n’o point raquer ech l’impot su es sé qu’in applo el gabelle . Es sé i est ‘o pas quère dint no pays, ch’es pou cho qui n’in mingoette grimmint et pi tous autes chés voésins qui habitotte el picardie i s’étote jaloux du cou i dijote ed nou :

I minge't tellemint d'sé, qu'i'n n'ont leu boïaux rouches comme inne crête ed'co " !

in tiot peu d’histoire

Ce n'est qu'en 1645, que les Français se rendent maîtres de Béthune, Lens, Lillers et Saint-Venant. En 1648, le prince de Condé remporte sur les Espagnols dans les plaines entre Lens et Grenay une victoire qui conduit au traité de Westphalie. En 1649, Saint-Venant est repris par les Espagnols. En 1657, Turenne prend Saint-Venant aux Espagnols et porte le dernier coup à leur puissance par la victoire des dunes. L'Artois est finalement rattachée à la France en 1659 (Traité des Pyrénées) sauf l'Artois " réservé " mais la structure administrative, judiciaire et fiscale de la Province est globalement confirmée par Louis XIV et ses successeurs.

jeudi 28 février 2008

cho ch'es tou bin

Ech me su artreuvé seu o mitan ed Juliette ed Nadine ed Corinne Manon Bernadette Agata Isabel Mariana. J ai savo plus douqu’ej devo rahisé alles s’étotent lo bin belles bin rontes pi pour in gars comme mi d’ech Ternoé ech me su sintu artourné . Té pinse alles sétotent bin blonte bin propre j’o eu invi ed les tripotaïl aveuq mes tiotes mains , quint jo tindu mes pachuches i no in panchu qui m’o brailler ed sus quint pouvo point, ecqu’ chalo les machuquer . Ji o dis méme in mollet i m'o répondu même in mollet j'o armis mes mains din mes poques. Ech plus biau din tout cho ch’es qu’em femme alle éto méme point jalousse.

T’edvinero jamais pourquoé tou cha parce que tou chés noms lo ch’es des variétés ed pétotes

In tou ech t’année ONU i’o déclaré 2008 l’année d’el peimme-tierre, din chés pays qui n’ont point grind causse a minger, cho ch’es bin

mercredi 27 février 2008

In intind toudis el même cloque


I paraîtro ecque d’in chés alpes chés vaques qui’s promème aveuc leu cloque intour ed leu co. alles sintent grimint plus calme ecqu’chés l’al qui non point .I paraitro même qu’alles donn’rotent plus ed lait quint in vo les moutent vu qu’alles sintent moins énerveïlles. In n’y pinssent point mais in devrot ahoquer des cloquettes a’ ch co ed chés candidats ed chés prochaines élections. A m’mote i cangerotte pé t’ête leu bablutes pace que ech no mare d’intint toudis el même son ed cloque . I fau ecqu’ vous diche ech no marre d’intint toudis el même canchon pi aveuc leu bêtisse ch’es quint mème nous qu’allon nou artreuver din ech’étramure.

Traduction

Il paraîtrait que dans les alpes les vaches se promènent avec leur cloche autour du cou. Elles sont beaucoup plus calmes que ceux qui n’ont non pas. Il paraîtrait même qu’elles donneraient plus de lait quand on va les traire parce qu’elles sont plus calmes. On n’y pense pas mais on devrait accrocher des clochettes aux cous des candidats aux prochaines élections. A mon avis ils changeraient peut-être leurs paroles sans grandes importances parce qu’on entend toujours le même son de cloche. Il faut que je vous dise j’en ai marre d’entendre toujours la même chanson et puis avec leur bêtise c’est quand même nous qui allons nous retrouver dans la litière des bêtes.

mardi 26 février 2008

inne bonne fête Agricole

Saint Agricole, Evêque de Chalon-sur-Saône pindint quarante-huit ans, Saint Grégoire ed Tours, qui vivoé in mème timp i o écrit qui vivo comme in misérape. Ech pofe évèque i es mort in 594.
es fête ch'es el 26 février ch'es pé ête pou cho qui foétent es salon ed l'agriculture in ch momint.

vendredi 22 février 2008

in tiot peu ed proverpe pou ech el fin sémaine

Plus té in hiot plus té vo long

In vo jamais auchi loin ecqu’int in sait point douque ch’es qu’in vo

Ech ‘ti qui veut kanger i treuvro toudis inne bonne rason pou kanger

Cho ecqu’to foé i sero plus a foëre

jeudi 21 février 2008

In auro pu croire ? et bin nan « bienvenu chez les ch’tis »


Ech me chu artrouvé rimpli ed plaisi !

J’o été vire « bienvenu chez les ch’tis » j’avo in comme qui diro in français : un a priori

In tio peur ed chés imaches qu’in nous mets su nou dos aveuq nou patoé

El ch’ti pi ech picard i sont bin présinté comme cousin el même lanque .Pi chés gins qui i vif i safte ech que ch’es d’avoëre in bon copains ecque nou mason al l’es toudis ouverte pou ch’i té n’o bésoin.

I faut vire ech film lo ch’el not

Bravo Dany

mardi 19 février 2008

Ech no plein castrole ech chés élection ed parisien

in n'in parle telmint in diro qu'io el fu

Quint in rahisse chés grintes gazettes in diro ecque tou’ch monte i arluque su chés élections d’el mairie ed Paris. Dejo ecque pou el culture in diro qui n’io'que Paris. V’lo qui nous imbrenne nou vie aveuque leu problèmes d’alliances. I veul’te nou mette des grignons din nou tiête(mettre martel en tête). Ed devrête prinde ech modèle d’in nou villaches ed douqu’in foé bin attinchion ach bonhomme pluche qu’a sin coté qu’isse treuf politimint parlint in rahisse point chi ch’es du lard ou du pourchiau(de toute façon du lard c’est du cochon). Ete fachon chaque grain blé il l’o es paille(les meilleurs choses ont leur mauvais coté)

lundi 18 février 2008

Ech KOSOVO i fête es n’indépindince

ech drapeau ed l'Artois

Ech chu contint pou eus . Mais aveuq tou cho chés Belches surtout chés Flamin i vont s’in s’arsintir. El Belgique al vo continué a tranner, déjo qui leu ro fallu 6 moés pou foëre leu gouvernemint . Mi ech comprint rin , plu ech L’Europe al s’agrindi plu chés Pays i diminuche. Bintôt in France in vo l’i inléver el Corse, el Brétagne , el Savoie, ech l’Alsace aveuq el Lorraine, ech pays Basque , et pis pétête ech pays ed chés ch’ti picard vu qu’in o inne culture pi inne lanque a nous.

Douque ch’es qu’in vo met el Capital : AMIENS ARRAS LILLE ,surmint po Dunkerque vu qui vont ed minder leu ratachemint a chés flamints ed Belgique .

Mi in tou co ech vo foëre cimpagne pou chés municipal pou el l’indépindince ed min villache comme cho ech pouro rinvoyer al frontière chés estrangés qui viente printe nou terres.

Ed façon, ech rahisse ed coin chés gin d’ech villache d’a coté, leu patoé ch’es point el même qu’autour d’em barraque ? ech chu in train ed foëre in plan pou foëre in mur autour d’ech ti chi

I n’io ro point ed traduction d’ech message lo ch’es seulmint pou cheu qui comprinte. Pi par mésure ed sécurité : sécret ed villache.

I vo falloir bin foëre attintion cho peu nou méner loin des jus comme cho ?

vendredi 15 février 2008

IN grind jour pou chés parleux Picard


J’o intindu qui n’io 28 grintes intrepriss qui s’in vont signer in ingagemint contre el discrimination in tou genres. Té pale chi cha m’o point artourné !, ech vo pouvoir d’éhoqué in poste d’ « Hôtesse » interprète d’accueil ach nouvio Loufre à Lens. Comme cho ech pourro aller aveuqu chés ch’tis foëre el visite pi leu traduire chés textes in français. Té pinse bin sinon i vont rin comprinte cha va ête incore d’el discrimination ed parlache . Bon ch’el ale ech j'l'o fait courte j’o inne lettre ed motivation à foëre

Traduction

J’ai entendu que 28 entreprises vont signer un engagement contre la discrimination en tous genres. Tu parles si cela bouleversé ! enfin je vais pouvoir décrocher un emploi d’ « Hôtesse » interprète d’accueil au nouveau Louvre de Lens. Comme cela je pourrai accompagner les ch’tis faire une visite et leur traduire les textes en français. Tu penses bien sinon ils ne vont pas comprendre et cela va être de la discrimination par le langage. Bon je vous la fait courte car j’ai une lettre de motivation à faire.

mardi 12 février 2008

In candidat ch’es des cos batillars


in sait point qui ch'es qui vo avoir ech ti l'ale


Din chés villaches, des foés pou chés élections municipales in diro qu’ins treuf su in galodrome. Telmint qu’i nio ed cos batillars. Seulmint lo, chés co in plus ed lécher des plinmes i gagn’t’inne capote. Armaque in les vo point grimint ch’elles chi t’es sais pourquoé ? parce que chés élections ch’es in mars pi qui foé moins fro . Alors chés perdant i les rinch’tent din leu garnier in espérant l’arfiller à in aute din 6 ans.

Traduction:

Dans les villages des fois pour les élections municipales on dirait que l'on setrouve sur un galodrome. Tellement qu'il y a de coqs de combats . Seulement la, les coqs en plus de laisser des plumes ils gagnent une capote. Remarque on n'en voit pa sbeaucoup de celles ci , tu sais pourquoi? parce que les élections ont lieu en mars et qu'il fait moins froid. alors les perdants les ranges dans leur grenier en espèrant le redonner à un autre dans 6 ans.

lundi 11 février 2008

Un fouan i fait un fouan


Pou cheu qui n’es safte point in fouan in picard ch’es inne taupe

Mi j’ai savo point mais chés gardiniers ed Neuilly i étote contint , i n’iavo pu fouan din chés patures, ch’ étot bin propre al ‘ arluiso comme inne godillo vernis ; et pi v’la quint fin sémaine i n’io ed nouvio mont ed terre et des tros ed devant el mairie. Té pale d’in anguche. El grante différinche et cha i l’on vu bin après ch’es qu’ech fouan lo i to blanc. In faite ch’es cho un fouan y fait un fouan mais des foés i sont point el même couleur ed poil

traduction

moi je ne savais pas mais les jardiniers de Neuilly étaient contant , il n'y avait plus de taupe dans les pelouses , c'était bien propre cela brillait comme un soulier vernis. Et puis voilà qu'en fin de semaine il y avait des nouvelles mottes de terre et des trous devant la Mairie. Tu parles d'une angoisse. La grande différence et ça ils l'ont vu bien après c'est que cette taupe là est blanche . En faite c'est cela une taupe fait une taupe mais des fois ils n'ont pas la même couleur de poils


dimanche 10 février 2008

I ‘AVO DES TROS DINS CHES TUYAUX

Ch’est bin bio el modernisme qu’in cho marche

El sémaine chi em internet i marcho pu comme in g’vo qui no pu d’avoine.

Ja eu bio n’in mette dins chés tuyaux i n’io pu rin qui sorto chés pou cho que j’o po écrit gamint ach’ matin cho vo miu

Ech va pouvoir vous n’ardire un tio peu.

At’ taleur

lundi 4 février 2008

VIF MARIACHE


Ti té i éto point ? mi si ! J’o point dis que j’éto invité ! Comme j’éto certain qui devo point avoir grind monte ? ché vrai in jour comme cha in l’oubli point ? j’o mis el casquette j’o mis min boudrier pis ahoké min timbour pis j’o passé chés portes, comme cha, i mon print pou in garte Républicain . J’o seulmint été imbêté ch’est quint j’o tapé chu min timbour in gueulant vif mariache in j’echtant du riz cuit, ch’eto in rest d’ech nouvio an chinoé . Ech garte du corp qui ch’es j’echté su mi pou em foute par terre( comme ech riz). Faut dire qui m’avote té pris pou un terroriste quint y mon intindu aveuq min parlache . Heuresemint ecqu Borloo i eto lo pou foëre ech l’interprète. j’a eu co ! ch’est quint ech Borlo m'o imbrassé in dijant ti té min coin qu’ech j'o ouvert mes ius

Traduction

Toi tu n’y étais pas ? moi oui ! je n’ai pas dis que j’étais invité ! Comme j’étais certain qui ne devait pas avoir grand monde ? c’est vrai un jour comme cela on l’oubli pas ? J’ai mis la casquette j’ai mis mon boudrier puis accroché mon tambour et j’ai passé les portes ils m’ont sûrement pris pour un garde Républicain . J’ai seulement été embêté c’est quand j’ai frappé sur mon tambour en criant vive le mariage en jetant du riz cuit, c’était un reste du nouvel an chinois. Le garde du corps c’est jeté sur moi pour me coller par terre(comme le riz). Faut dire qu’il m’avait pris pour un terroriste quand il a entendu ma façon de parler. Heureusement que Borloo était la pour faire l’interprète. J’ai eu chaud ! C’est quand Borloo m’a embrassé en me disant toi tu es de mon coin que je me suis réveillé

jeudi 31 janvier 2008

To intindu parlé d’ech yeti


Quint’é mason es treuf din in villache, qui n’o qui diche qu’éch ti chi y’est ravitaillé par chés cornalles !!??.

In li po n’importe quoé avant d’ed couquer (ex ech yeti exist’i din el figaro sciences).

Imagine in peu ch’es nuit el lune al brille po.Ti té ra isse el temp qui foét déhors, et lo, t’ intind inne sorte ed grondemint et té cro vire inne masse qu’ich déplache ?. Et bin mi ech tel di, té fait el nuit lo et’chés drolte rêfes ?

Ch’es seulemint el matin que té t’artreuf rassuré quint té r’intint el même bruit ecque té vo tin voigin rintrer ses poubelles monteïl sur des reulles aveuq es grosse canadienne su sin dos !

Nan ,nan mis j’a po eu peur ch’éto juste pou avoère qu’etcosse à dire ?????

Traduction

Quand ta maison ce trouve dans un village, dont certains disent qu’il est ravitaillé par les corbeaux !!??

On ne lit pas n’importe quoi avant d’allé se coucher ( ex" le Yeti existe t’il "article du figaro sciences ?)

Image un peu il fait nuit la lune ne brille pas . Toi tu regarde dehors le temps qu’il fait, et là, tu entend une sorte de grondement et tu vois une masse qui ce déplace ? et bien là je te le dis, la nuit tu fais des drôles de rêves ?

C’est seulement le matin que tu te trouves rassuré, quand tu réentends le même bruit et que tu vois ton voisin rentrer ses poubelles montées sur roues avec sa grosse canadienne sur son dos !

Non non moi je n’ai pas eu peur c’était juste pour avoir quelque chose à dire ????

mercredi 30 janvier 2008

chi cha vous interesse in peu foëre miu

ech moi ed jinvier i'est bintôt fini

cho foet 1 mo qu'i o des gins qui vientent lire mes humeurs en ch'ti

chi ti té veux, té m'invo ête adresche mel à comme cha té pourro archuvoir el vie d'ech blog et d'aute jus in ch'ti

in appelle cha inne niou letters té pourro bin sur ed desincrire quint té voudro

à bétôt

ech pointeu

mardi 29 janvier 2008

Le lundi de Pentecôte redeviendra un jour férié dès 2008

Che qui vont ête contint ch’est grimin chés fédérations ed sport qui n’avotte plus ed long Week end pou foëre leu rincontes sportifs ed fin d’année

I est to tint qui voèche leu conneries

L’espérinche el foet vive es hommes, inne lonke atteinte el l’es foet mourir

Traduction

Ceux qui vont être contents ce sont les fédérations de sport qui n’avaient plus de long W E pour faire leurs rencontre sportives de fin d’année.

Il est tant qu’ils voient leurs conneries

L’espérance faite vivre les hommes, une longue attente les fait mourir.

lundi 28 janvier 2008

Aujourd’hui ech m’arsin in tiot peu gauloés


I n’io ecque deus solutions ou bin ch’est d’el promotion pou ech firm « Astérix aux Jeux olympiques » qu’in vo vire ech mercredi chi,

Ou bin ch’es vraimint ed l’information i paraitro qui n’io in satellite américain qui séro intrin ed dechint su nou tiête. El problème aveuq chés ingints lo ch’es qu’in ch’est point esqu’i nio ed din, ecque t’orau biau avoir tin parapleuf bin ouvert ch’o peu nous foëre bin du mau.

In dévro cominché d’avoëre bin peur ecque el cié i nous kette su el tiète

Je vous met la traduction à la demande de beaucoup ;

Aujourd’hui je me ressens un peu gaulois

Il n’y a que deux solutions ou bien c’est de la promotion pour le film « Astérix aux Jeux olympiques » que l’on va voir ce mercredi,

Ou bien c’est de l’information : Il paraitrai qu’un satellite américain serai entrain de descendre sur nos têtes. Le problème avec ces engins là c’est qu’on ignore ce qui l’y a dedans, et que tu auras beau avoir ton parapluie ouvert cela peu nous faire bien du mal.

On devrions commencé a avoir bien peur que le ciel nous tombe sur la tête

samedi 26 janvier 2008

poésie d'ech matin


I o gramint ed vint din min pays

I drache souvin su ch’es parvis

Du solé in po pas dire qui n’i o gramint

D’el sécrèche cha , point longtin

Ch’es gross’ catastrophes qu’in a eu

Y vient’é po seulmin d’ech bon dius

Mais souvint d’el commerie ed chés gins

Pourtin ech’ ti qui passe par min gardin

Y séra toudis archu aveuq’ in verre ed vin

Car chés valeurs lo in les o ed pi longtin

C’qui fait qu’in est des gins plaisin

Cha in nous l’dis et in’n in’est bin contin.

Ech pointeu


vendredi 25 janvier 2008

min tiot chés pots évintrés i restrons toudi a nou comptes.


In fin d’année souvint in archu ed si banquier inne feulle qui dit ecque t’in découvert ech t’année y ‘est autorisé a hauteur ed j’ai sais point admettons 4 chints euros.

Achteur pinse ecque té al Société Générale qui ont perdu 4,7 millard d’euros et qui vont foëre in cro edssus, su l’co t’edvine point chi ch’est du lard ou du cochon ?
Ecque cho do ête a lu mason in sacré bazard, ecque même inne vake n’y arconéchro point sin viau ?

Té fonce a mon ed banque a guichet ech t’imployé ed di qui fo point s’inquiété , ecque chaque grain ed blé i’o s'paille, ecque tous chés sous perdus ch’est point les tiens , dejo lo t’es sin miu .

Pi té souvient ed c’qui disiot tin grand père :min tiot chés pots évintrés i restrons toudi a nou comptes.

SI TO IN CONSEILLEU BANCAIRE N'OUBLI SURTOUT POINT:

CHES CONSEILLEUX CH'EST POINT CHES PAYEUX

merci pour le dessin http://www.goubelle.net

jeudi 24 janvier 2008

chint personnes

Chint fous intassés y fron jamais in homme raisonnappe.

Cha y’est in chint qui sont vénu vir su min blog pou raïser et lire mes racontaches ech vous sin armerci cho m’incourache ech m’arsin com un co chu fien.

J'a po été courageux el sémaine chi j'etopas a mason et po de wep


dimanche 20 janvier 2008

ch’es for ech vint

I o incor gramint ed vint aujourd’hui ch’es for du vint . Cho fait ployer ches apes, ch’armu ches branques ,cha soulieffe ches blucs din vos yus, cho fait avancher ches batiaux, cho fait tourner ches éoliennes . Pourtin i n’io jamais personne qu’i l’o vu ech vint. Ch’es quin même drôle ech vint cho étind ches bougies pi on s’in sert pou alleumer ech fu. Faut j’arrête sinon ch ‘es un vint ed follie qui sin i vo m’importé.

Plein leu orelles

Es soir mes gins cho no été que du plaisi s’artreuver ed vant inne cintaine ed perchonnes, ed leu raconter inne hichtoire in patoé in ch’ti. In no des gins qui n’étotte point préparé , qui vous acoute aveuc des loupes pindintes et qui n’in printe plein leu orelles cho fait du bin a sin cœur mi ech vou’l dit ches gin lo i n’inrdeminte alo ech vais leu in donné

In conteu qui est contin

jeudi 17 janvier 2008

Tin ech matin j’o pinsé à FERNAND REYNAU

Et sin “combien de temps mets le fut du canon à refroidir ?: réponse un certain temps . et bin cho no point vraimint cangé din l’armée !

Din l 'cadre d’el réforme ed l’armée ech ministre d’el défince Hervé Morin i o dit su France2 :

Il n’y aura pas 50000 militaires de moins à la fin de la réforme ;

Il y en aura un certain nombre …….

In tou co cho non plus ch’a cang’ra point :

pou foëre in bon soldat, i faut avoère inne forche ed g’vau, ches gampes d’ cherf, el patienche d’in co, el courache d’in éléphant, el panche d’in puche.

mercredi 16 janvier 2008

Y comminch’t a ouvrir leu yux

Din in info d'ech Monte el gazette! Ches prix détal is aurette augminté ed 0 ,4 % en décimpe 2007 et de 2,6 po rapport à décimpe 2006. Et tout cha ch’es INSEE qui lo rindu publiques ech mardi chi el 15 Jinvier . IN tel montaïl ed ches prix in l’avo po vu ed pi mai 2004 j’in su essouflaïl comm’si j’armonto inne cracconne . Cho j'avo bin sintu ecqu'j'avo du maux d'arprinte em respiration.

mardi 15 janvier 2008

ech 62 qu'in vo ou ech 62 qu'in intind

Chu é site ed « ti té min coin » ecqu té peu vire din ches liens, i nio in sondache su el n° 62 qu’in ‘va pu vire su ches carettes . Pet’ête qu’in aurro plus ech 6 2 pou nous arconnête, é qui no qui vont s’arsintir afligé . Alors ech l’ardit i n’ont qu’a rimprinte ech bon picard (le ch’ti). Et pi comme ech President d’ech conseil régional d’ech 62 qui o di al télévision i o peur qu’on nou arconnêche po din ches camping o moins in nous intindra.

In bonn’nuit bin vinteu.

lundi 14 janvier 2008

el temps ech sémaine chi

Ech vo souhaite inne bonn’ sémaine vo allez n’avoir e’besoin, aveuc d’el pleuf, du vint et ches nochelle y von braire, ches rio y von s’printe pou des rivières .Ch’est bon ches nappes is’chrinpliche, adont ech t’étaï in auro quo mette din nou godet et pou foëre nou bué. Autin ed dire ecqu’t’auro des russes pou vir el solé, consol’ te t’auro pas fro .

vendredi 11 janvier 2008

Si t'ête met as plache te ra hisse min pays

Quin in parle d'ech Pas de Calais y no plein qui pinste equ' din coté to ches fosse equ' ed l'ate to ches plages ET BIN NAN
intre deusse y ni o inne partie ed Ternois, ech haut pays, el vallée ed la Course, ech l'arrière pays ed Montreuil et bin d'aute coin, douc in's treuffe complétemint d'épaïsé.
Ech vou invite in co ed tin sin tin ed foëre in détours et pi ed partacher inne tiote bablute aveuq ches gins ch'poin des galeux !
ech vous rappelle mes gins vlo seulmin chint ans vos taïons y's étote grimmint din milieu rural.
Pi eus el dévlopmint durate y connaiche din sin d'el tradichion d'el vie ed villache.

a ch'es pleufs
merci a
http://surmonchemin.blogspot.com pou el photo

jeudi 10 janvier 2008

In jinvier din tin gardin ou courtillache comme tes l’intin

Jinvier ch'est mo el plus fro ed l’année. Ch’es jours y sont plu cour qu’un manche ed coutiau et auchi sompe ecqu din in eglisse telmint qu’el solé y’est bo. Din ch’gardin y n’y o pas grand cosse a foère mais t’es peu t’avincher.

D’inch courti ch’est calme , Jinvier y arposse el terre Mais y no rin qui t’impêche ed commincher a sémer el tomate din mason. Ra-hisse bin ches protections su tes porions et s’artichauts qui sont toudis lo.

Ach verger tes peut toudis arplinter ches fruitiers si y gel pon. Te peu auchi tailler ches pimmiers et ches poriers.
in tou co arposse tes rins.

mercredi 9 janvier 2008

ECH TEMPS EDMAIN JEUDI 9 JINVIER

To intérer a artenir ed casquette cho vo vinter din les chinquantes KMS /H à matin, el température in va dire dins les chinq degrés . a coss d’ech vin to ro din l’idée qui fro plus fro.

mardi 8 janvier 2008

SI t’es finque pas ch’es pou ti et si t’es finque ch’es pou tou auchi

Cha y est ech chu rintré din in bistrot et j’o bu un tio café. Un plus ech ti lo y vindo du toubac . J’y a pris grimint ed plaisi in auro di que cho sinto el rosse in faite nan cha sinto rin seulmint el propre .

ALORS ECH T’EL CRI FORT

« ARTOURNE DIN CH’ES BISTROTS ARBOIR TIN TIO CAFÉ TI QUI FINQUE PO T’ES Y’ARTROUVRA UN NOUVIAU VRAI PLAISI »

Et pis comme cha cheux chi y restron ed s’ indro ed convivialité sin brouillard d’ouqu’on vo mieux ch’es gins.

EL HUIT JINVIER AL METEO

aujord'hui ech vint s' est rabattu,el cié y'est dechindu a motte y vo pluvoir

samedi 5 janvier 2008

CHES MONIAUX Y ONT FRO


Cha y est y fait fro pi comme tous’hivers ech donne a minger à ches osiaux

Et j’in vo grinmint ! Ches preumes qui arrifte ch’est ches mésanches ch’es bleus et ch’es carbonnières après seulmint ch’es nonette. Ch’as batalle dejo mais quint ch’es batillards ed mouchons y vientent!!!!!!

In croiro qu’y n font que pluquer mais in fin d’el journé y n’in reste pu inne zique. T’es vo auchi des mouviars, des coulons, des pinchons, des rouches gorches , des tourtrelles. Quind t’es n’in vo point té peut ête sur qu’y a un caou qu’y mile.Y no plein d’aute osiaux qu’je vo point al gamelle ch’es escardonettes ch’es agaches ch’es cornalles ch’es mouquets ch’es canarien

Ech chero bin contint si tisote vous conéchez d’aute nom d’osiaux en picard cha ferro bin plaisi

dans l'ordre du texte:mésange bleu, charbonnière,nonette

mouchon=moineau /mouviar= merle /coulon= pigeon /pinchon = pinson des arbres/ rouches gorche=rouges gorge /

tourterelle= tourtrelle /escardonettes= chardonneret /agache= pie / cornalle= corbeau/ mouquet= épervier /canarien = serein

vendredi 4 janvier 2008

quind ch'est bleu ch'es bleu

Quind in vo ech tableau lo ed Jean- auguste-Dominique INGRES

ou bin d’el peinture ed Eustache le SUEUR « Clio, Euterpe etThalie » http://www.louvre.fr/llv/oeuvres/detail_notice.jsp

qui s’treuffe auchi din ‘ch musée d’ech Louffe. In s’ deminte pourquo ech l’abi ed nos soldats en début ed quatorse y s’étot bleu azur .In vo que cha, ch’est bin vrai ch’es biau, mais ch’est bin loin d’el ‘discrétion qu’in demante a inne armée.

In est in 2008 ech vous souhaites inne bonne année

In 2008 in va es soufnir ecque cho fait Quatre vingt diche an ecque ech L’Armistice el l’o été segnier. J’a kère faire des parallèles entre hier et achteur. D’inch t’année chi tisote tel verro bin.

Ch’a ch’es min preumier mot d’ech l’année à bintôt a ches pleufs

TRADUCTION

Quand on voit le tableau de Jean- auguste-Dominique INGRES ou bien la peinture de Eustache le SUEUR « Clio, Euterpe et Thalie » qui se trouve aussi dans le musée du Louvres. On se demande pourquoi les uniformes de nos soldats de quatorze étaient bleu. On ne voit que cela , c’est bien beau, mais cela est loin de la discrétion que l’on demande à une armée

Nous sommes en 2008 est je vous souhaite une bonne Année

En 2008 on va ce souvenir que cela fait 90 ans que l’armistice a été signée . j’aime faire des parallèles entre hier et aujourd’hui . durant cette année vous le verrez bien.

Cela est mon premier de l’année à bientôt aux prochaines pluies